Եղանակն՝ այսօր
120 000 դոլար. կպչուն ժապավենով պատին ամրացված բանանը վաճառվել է ամերիկյան ցուցահանդեսում (լուսանկարներ)
15:53 • 06.12.19
Մայամիում մեկնարկած Art Basel ժամանակակից արվեստի ցուցահանդեսի շրջանակում կպչուն ժապավենով սպիտակ պատին ամրացված սովորական բանանը վաճառվել է 120 000 դոլարով: Այս մասին հայտնում է Newsweek-ը:
Ինչպես ավելի վաղ հայտնել էր tert.am-ը, տվյալ աշխատանքի հեղինակն իտալացի Մաուրիցիո Կատելանն է: Տղամարդն այս ինստալիացիայի շուրջ մտածել է մեկ տարի, սակայն դրա իմաստը չի բացատրել:
Հայտնի է, որ մեկ տարվա ընթացքում Կատելանը սենյակում բանանին է նայել, որպեսզի ներշնչանք գտնի:
Հատկանշական է, որ «բանանային արվեստի» առաջին նմուշը վաճառվել է ֆրանսիական Galerie Perrotin ժամանակակից արվեստի պատկերասրահում:
Աղբյուրը հիշեցնում է, որ սա Մաուրիցիո Կատելանի առաջին արտասովոր աշխատանքը չէ. իտալացին 18 կարատանոց ոսկուց պատրաստված հայտնի զուգարանի հեղինակն է նաև:
Placeholder
Studio One