Կորոնավիրուսի համաճարակի պատճառով չինացիները բժշկի գնալու համար ստիպված են մինչև 2 օր հերթ կանգնել. Daily Mail (լուսանկարներ, տեսանյութ)

15:11 • 26.01.20

Չինաստանի Ուհան քաղաքում շարունակում է մեծ արագությամբ տարածվել կորոնավիրուսի նոր տեսակը, որն արդեն 56 մարդու մահվան պատճառ է դարձել:

Իշխանությունները փակել են քաղաքը, արգելել քաղաքացիների, տրանսպորտային միջոցների ելումուտը: Վախեցած բնակիչները փորձում են լքել Ուհանը, սակայն ոստիկանությունը փակում է նրանց ճանապարհը՝ համաճարակի էպիկենտրոն վերադարձնելով:

Daily Mail-ը նկատում է, որ համաճարակի տարածման ֆոնին սովորաբար մարդաշատ Ուհանը «ուրվական քաղաքի» է վերածվել. մարդիկ նախընտրում են ապահովության համար տնից դուրս չգալ:

Ներկայում հաջողվել է պարզել, որ հիվանդության տարածման աղբյուր է եղել քաղաքի ծովամթերքի և ողջ կենդանիների շուկան:

Տասնմեկ միլիոն բնակչությամբ Ուհանում բազմաթիվ մարդիկ երկարուձիգ հերթեր են կանգնում բժշկի մոտ այցելության համար: Հիվանդանոցներն աշխատում են գերծանրաբեռնված ռեժիմով: Այժմ կառուցվում է նոր հիվանդանոց՝ հատուկ կորոնավիրուսի վարակակիրների բուժման նպատակով:

«Ստիպված ենք մինչև հինգ ժամ հերթ կանգնել, որպեսզի կարողանանք բժշկին տեսնել»,-բողոքել է բնակիչներից մեկը: Մեկ ուրիշն էլ նշել է, որ որոշ հիվանդներ նույնիսկ երկու օր են հերթում անցկացնում:

«Հիվանդ ամուսնուս մի հիվանդանոցից մյուսն եմ տանում, սակայն ապարդյուն, չեմ կարողանում բժշկի սենյակ մտնել: Չունենք ոչ մի պաշտպանիչ միջոց, բայց ստիպված ենք անձրևի տակ հիվանդանոցի առաջ գոյացած հերթում սպասել: Արդեն հուսահատվել եմ ու չեմ էլ հիշում քանի օր ենք մի հիվանդանոցից մյուսը գնում: Չգիտենք էլ՝ մինչև Լուսնային Նոր տարի ողջ կմնա՞նք, թե՝ ոչ»,- բողոքել է մեկ այլ բնակչուհի:

In a sign of the growing strain on Wuhan's health care system, the official Xinhua news agency reported that the city planned to build a second makeshift hospital with about 1,000 beds. The city previously announced that construction of a hospital of the same size was underway and expected to be completed February 3 (pictured, medics at Wuhan Red Cross Hospital)

Wuhan went one step further Saturday, announcing vehicle use including private cars would be banned in downtown areas starting after midnight, state media reported. Only authorized vehicles to carry supplies and for other needs would be permitted after that, the reports said (pictured, medics at Wuhan Red Cross Hospital)

The vast majority of the infections and all the deaths have been in mainland China, but fresh cases are popping up. Australia and Malaysia reported their first cases Saturday and Japan, its third. France confirmed three cases Friday, the first in Europe, and the U.S. identified its second, a woman in Chicago who had returned from China (pictured, medics at Wuhan Red Cross Hospital)

Ինչպես ավելի վաղ հայտնել էր Tert.am-ը, Չինաստանը պատուհասած կորոնավիրուսի նոր տեսակի համաճարակի հետևանքով զոհերի թիվը հասել է 56-ի:Չինական պետական լրատվամիջոցների փոխանցմամբ՝ մահվան բոլոր դեպքերը գրանցվել են Չինաստանում: Հաղորդվել է նաև ամբողջ աշխարհում գրանցվել է վարակման 2057 դեպք: Առայսօր հիվանդությունից բուժվել է 49 մարդ:

Չինաստանի առողջապահության նախարարը չի բացառել, որ կորոնավիրուսի նոր տեսակի տարածման աղբյուրը եղել է ինչ-որ վայրի կենդանի: Ներկայում 1600 բժիշկ ուղարկվել է համաճարակի էպիկենտրոն Ուհան քաղաք, որտեղ հիվանդների թիվն շատ արագ է ավելանում: Առողջապահության նախարարը խոստովանել է, որ վարակի տարածման հատկությունը գնալով ուժեղանում է և որ դրա մուտացիաների հավանական ռիսկերի մասին դեռևս ոչինչ հայտնի չէ: Հիվանդության ինկուբացիոն շրջանը 1-14 օր է:

Բացի այդ, Չինաստանի առաջատար վարակաբանները նախազգուշացել են, որ համաճարակի էպիկենտրոն Ուհան քաղաքում իրավիճակն արդեն անվերահսկելի է: Նրանք կանխատեսում են, որ վատագույնը դեռ առջևում է, և չի բացառվում, որ համաճարակն իր գագաթնակետին հասնի հաջորդ ամիս:

Իշխանությունները հայտնել են, որ Ուհանում հիվանդների թիվն այնքան է ավելացել, որ որոշվել է մի քանի օրում նոր հիվանդանոց կառուցել կորոնավիրուսի վարակակիրներին բուժելու համար:

Նորագույն անհայտ տեսակի վիրուսով հիվանդանալու դեպքեր են արձանագրվել ավելի քանի երկրում, այդ թվում՝ ԱՄՆ-ում և Ավստրալիայում:

Չինացի մասնագետները հաստատել են, որ կորոնավիրուսի նոր տեսակը մարդուց մարդուն է փոխանցվում:

Կիսվել այս նյութով

facebook x telegram

Placeholder