Արքայազն Հարին Bon Jovi-ի հետ նոր երգ է ձայնագրել և վերստեղծել Abbey Road ալբոմի շապիկի լուսանկարը (լուսանկարներ, տեսանյութ)

Մեծ Բրիտանիայի արքայազն Հարին Bon Jovi ռոք խմբի հետ վերստեղծել է Abbey Road ալբոմի շապիկը՝ բարեգործական սինգլի ձայնագրման համար, գրում է BBC-ն:

Abbey Road ստուդիայում, որտեղ 1960-ական թվականներին իր երգերը ձայնագրում էր The Beatles համաշխարհային հռչակ ունեցող խումբը, Հարին միացել է խմբի մենակատարին՝ Ջոն Բոն Ջովիին և նրա հետ ձայնագրել Unbroken երգը, որի տեսանյութը հրապարակվել է Sussexes Instagram օգտահաշվում:

Համագործակցության գաղափարը երաժիշտ Բոն Ջովիինն է, որի խոսքով՝ երգն ուղարկել է Հարիին և ի պատասխան՝ «շատ հաճելի նամակ ստացել»:

Ավելի ուշ նրանք խմբի երկու անդամների հետ վերստեղծել են Ջոնի, Փոլի, Ջորջի և Ռինգոյի հայտնի լուսանկարը:

Խմբի նոր սինգլի հասույթը կփոխանցվի արքայազն Հարիի հիմնած Invictus Games Foundation հիմնադրամին:

 

 

 

View this post on Instagram

A post shared by The Duke and Duchess of Sussex (@sussexroyal) on Feb 28, 2020 at 3:19am PST