Եղանակն՝ այսօր
Իտալացին ավոկադոյի վրա փորագրություններ անելով՝ մրգերը վերածում է արվեստի ինքնատիպ գործերի (լուսանկարներ)
Իտալացի Դանիել Բարեսի անունով երիտասարդը համացանցում ճանաչում է ստացել իր յուրահատուկ տաղանդի շնորհիվ. իտալացին սովորական ավոկադոյի վրա կարողանում է իսկական արվեստի գործեր փորագրել, գրում է odditycentral.com կայքը։
Բարեսին սննդի վրա փորագրել է սկսել դեռևս յոթ տարեկանից։ Տարիների ընթացքում բազմազան փորագրություններ է արել տարբեր մրգերի ու բանջարեղենի վրա, սակայն, ինչպես ինքն է նշում, ամենամեծ ուշադրությունը մշտապես ավոկադոն է գրավում։
«Ես ձեռք եմ տալիս դանակիս, միտքս հանձնում եմ սրտիս, որն էլ ուղղակիորեն փոխանցվում է ձեռքերիս, որոնք տարբեր ձևավորումներ են ստեղծում։ Հրաշքի է նման»,– նշել է արվեստագետը։
Բարեսիի գործում հիացմունքի է արժանի նաև այն արագությունը, որով նա աշխատում է: Եթե արվեստագետը չշտապի, ապա ավոկադոն խնձորի նման կարճ ժամանակում կփոխի գույնն ու փորագրությունը կկորցնի ողջ գեղեցությունը։
Իտալացի երիտասարդը, որն այժմ Ավստրալիայում է բնակվում, փորագրության՝ աշխարհի երկակի չեմպիոն է։ 2015 թվականին արժանացել է Իտալիայի Ազգային չեմպիոն տիտղոսին և նույն տարում դարձել փորագրության՝ Եվրոպայի չեմպիոն։
Studio One