Հարվի Վայնշտեյնի դեմ սեռական ոտնձգությունների մեղադրանք ներկայացրած կանայք 19 միլիոն դոլար փոխհատուցում կստանան

Հոլիվուդյան հայտնի կինոպրոդյուսեր Հարվի Վայնշտեյնի դեմ աշխատանքի ընթացքում ցուցաբերած խտրականության և սեռական ոտնձգությունների համար մեղադրանք ներկայացրած կանայք ընդհանուր 19 միլիոն դոլար փոխհատուցում կստանան, այս մասին թվիթերյան իր օգտահաշվում հայտնել է Նյու Յորք նահանգի գլխավոր դատախազ Լետիցիա Ջեյմսը։

Բացի այդ, պրոդյուսերի զոհերը, որոնք ստիպողաբար գաղտնիության պահպանման մասին փաստաթուղթ են ստորագրել, կազատվեն դրանում նշված պայմաններից և կկարողանան պատմել իրենց պատմությունը։

«Բոլոր հետապնդումներից, սպառնալիքներից և խտրականությունից հետո նրանք վերջապես արդարության նմանվող ինչ-որ բան են ստանում»,- նշել է Ջեյսմը։  

Հիշեցնենք, որ մարտի 11-ին Վայնշտեյնին 23 տարվա ազատազրկման են դատապարտել։ Փետրվարին երդվյալ ատենակալները նրան մեղավոր են ճանաչել բռնաբարության համար։ Վայնշտեյնն, իր հերթին, հրաժարվել է ընդունել իր մեղքը՝ պնդելով, որ ամեն բան երկկողմ համաձայնությամբ է տեղի ունեցել։ Վայնշտեյնի պաշտպանությունը մտադիր է բողոքարկել դատավճիռը, բողոքարկումը կներկայացվի հուլիսին:

Պրոդյուսերի դեմ մեղադրանքներ առաջին անգամ ներկայացվել են 2017 թվականի վերջին The New York Times-ի էջերում։ Հրատարակությունը շատ երիտասարդ դերասանուհիների և պրոդյուսերին ենթական անձանց մասին է գրել, որոնք 30 տարվա ընթացքում պարբերաբար տուժել են նրա գործողություններից։ Ավելի ուշ Վայնշտեյնի հետ իրենց հարաբերությունների մասին է պատմել ավելի քան 80 կին, այդ թվում՝ Անջելինա Ջոլին, Գվինեթ Փելթրոուն, Սալմա Հայեկը։ Մայիսի 29-ին նրան արդեն մեղադրել են անչափահասի և ևս երեք զոհի բռնաբարության համար։

#BREAKING: We helped secure $19 million for survivors of Harvey Weinstein’s sexual abuse and harassment.

Women who were forced to sign confidentiality agreements will also be freed from those clauses and finally be able to speak.

— NY AG James (@NewYorkStateAG) July 1, 2020