Ինդոնեզիայի մի շարք քաղաքներում տեղի են ունեցել զանգվածային բողոքի ակցիաներ՝ ուսանողների և հասարակական ակտիվիստների մասնակցությամբ

Ինդոնեզիայի մի շարք քաղաքներում տեղի են ունեցել զանգվածային բողոքի ակցիաներ՝ ուսանողների և հասարակական ակտիվիստների մասնակցությամբ, հայտնում է Reuters-ը։

Բողոքողների հիմնական պահանջներից մեկն է դարձել անտառային և հողային մասշտաբային հրդեհների ճանաչումը որպես ազգային աղետ: Ակցիաների մասնակիցները կոչ են արել հետաքննել հրդեհների պատճառները, պատասխանատվության ենթարկել մեղավորներին և վերականգնել տուժած տարածքները:

Բացի այդ, ուսանողները դժգոհություն են հայտնել գնաճից, կառավարության տնտեսական քաղաքականությունից և կրթության համակարգի վիճակից: Ջակարտայում ցուցարարները պահանջել են նաև ուժեղացնել պայքարը կոռուպցիայի դեմ և ապահովել արտահայտվելու ազատությունը:

Reuters-ի տվյալներով՝ բողոքի ակցիաների ֆոնին իշխանություններն ավելի քան 9,000 ոստիկան են ուղարկել Ինդոնեզիայի մայրաքաղաքում կարգուկանոն ապահովելու համար: