Wildberries-ը Գյումրիում հանդիպում կանցկացնի՝ ուղղված առցանց հարթակում բիզնեսի զարգացմանը

Հոկտեմբերի 24-ին՝ ժամը 14:00-ին, Wildberries-ը Գյումրիում կանցկացնի «Ինչպես սկսել վաճառքները Wildberries-ում. մեկնարկ սկսնակների համար» խորագրով օֆլայն հանդիպումը։ Միջոցառումը նախատեսված է Հայաստանի Հանրապետության ապագա և սկսնակ վաճառողների, ինչպես նաև մարքեթփլեյսների մենեջերների համար, որոնք ցանկանում են ավելին իմանալ առցանց առևտրի հնարավորությունների և թվային հարթակներում բիզնեսի զարգացման գործիքների մասին։

Միջոցառման ընթացքում մասնակիցները կծանոթանան Wildberries-ում գործունեություն սկսելու հիմնական փուլերին՝ գրանցումից և WB Partners անձնական էջում աշխատանքից մինչև ապրանքային քարտերի ստեղծում, պահանջարկի վերլուծություն և առաջխաղացման գործիքների կիրառում։ Փորձագետները կներկայացնեն հարթակում աշխատանքի սկզբունքները, ինչպես նաև այն գործիքները, որոնք հասանելի են ձեռնարկատերերին վաճառքները կազմակերպելու և բիզնեսը զարգացնելու համար։

Հանդիպման առանձին հատվածը նվիրված կլինի գնորդների հետ աշխատանքի տարբեր մոդելներին, այդ թվում՝ «Վիտրինա» (DBS), «Վիտրինա էքսպրես» (EDBS) և Click&Collect ծառայություններին։ Մասնակիցները կծանոթանան այս մոդելների առանձնահատկություններին, ինչպես նաև Wildberries-ի լրացուցիչ ծառայություններին և ուսումնական նյութերին, որոնք կօգնեն ավելի լավ կողմնորոշվել առցանց հարթակում աշխատելիս և օգտագործել դրա հնարավորությունները՝ հաշվի առնելով սեփական բիզնեսի կարիքները։

Հանդիպումը ապագա և սկսնակ վաճառողների համար հնարավորություն կլինի հասկանալու մարքեթփլեյսում աշխատանքի հիմնական սկզբունքները, ստանալու գործնական տեղեկատվություն հասանելի գործիքների վերաբերյալ և ավելին իմանալու առցանց առևտրի միջոցով ձեռնարկատիրական գործունեությունը զարգացնելու հնարավորությունների մասին։

Միջոցառման ավարտին մասնակիցները կկարողանան իրենց հարցերն ուղղել փորձագետներին և լրացուցիչ տեղեկատվություն ստանալ իրենց հետաքրքրող թեմաների վերաբերյալ։

Ամսաթիվ և ժամ՝ հոկտեմբերի 24, ժամը 14:00

Անցկացման վայր՝ Հայաստանի Հանրապետություն, Գյումրի, թիվ 19 հիմնական դպրոցի դահլիճ։

Մասնակցությունը՝ նախնական գրանցմամբ։

Գրանցվել կարելի է հետևյալ հղումով։