Վախճանվել է հայտնի արգենտինացի գրող Էռնեստո Սաբատոն

Այսօր վախճանվել է արգենտինացի հայտնի գրող, հրապարակախոս և իրավապաշտպան Էռնեստո Սաբատոն։ Այս մասին հայտնում է «Բի–Բի–Սի–ն»։

«Թունելը», «Հերոսների և գերեզմանների մասին» վեպերի հեղինակը 99 տարեկան էր։

Հանգուցյալի կինը հայտնել է, որ վերջին շրջանում նա  բրոնխիալ ասթմա ուներ։

Սաբատոն, որ հայտնի է նաև իր հրապարակախոսական գործունեությամբ, մի շարք հեղինակավոր գրական մրցանակների է արժանացել, այդ թվում ՝Իտալիայում, Իսրայելում, Իսպանիայում։ Նա հայտնի է որպես Լատինական Ամերկայի զինվորական վարչակազմերի քննադատ։

Սաբատոն  գլխավորում էր Արգենտինայի զինվորական վարչակազմի ժամանակ( 1976-1983թթ.) մարդկանց զանգվածային սպանությունների հետաքննությամբ զբաղվող հանձնաժողովը։