Ռուս ռեժիսորին ցնցել են Հայոց ցեղասպանության մասին պատմող ֆիլմի կադրերը

Ռուսական Новоросфильм կինոստուդիան իրականացրել է Հայոց Եղեռնի մասին պատմող ֆրանսիական փաստագրական «Հայոց ցեղասպանություն» ֆիլմի՝  ֆրանսերենից և անգլերենից ռուսերեն թարգմանությունը, ինչպես նաև ռուս հանդիսատեսի համար դրա ադապտացիան։

Ինչպես հաղորդում է  Ռուսաստանի հայերի «Երկրամաս» թերթը, կինոստուդիայի ղեկավար, ռեժիսոր Վլադիմիր Զուևը պատմել է, որ իրեն, պարզապես, ցնցել են ֆրանսիական այդ ֆիլմի կադրերը։ «Ֆրանսիական կինոընկերությունն տարբեր տեղերից հավաքել է մինչ օրս պահպանված փաստեր։ Ցնցող են թուրքական վայրագություններին ականատես եղած Հայաստանի 100 տարեկան բնակչուհու խոսքերը։ Նա կարողացել էր ապրել նույնիսկ այն բանից հետո, երբ ենիչերիները կտրել էր նրա կոկորդը....»,– պատմել է ռեժիսորը։