Մայքլ Ջեքսոնի ձեռնոցի ստարտային գինը՝ 85 հազար դոլար

Մայքլ Ջեքսոնի հայտնի ձեռնոցը գնահատվել է 85 հազար դոլար, հաղորդում է РБК-ն:

Այդ ձեռնոցով փոփ երաժշտության արքան նկարահանվել է «Թրիլլեր» երգի տեսահոլովակում: Վերոնշյալ գումարն աճուրդի հանված ձեռնոցի ստարտային գինն է:

Ձեռնոցը զարդարված է Swarovski-ի կրիստալներով: Ջեքսոնն այն նվիրել է նկարիչ Փոլ Բեդարդին, ով ստեղծել է ողջ աշխարհով հայտնի նկարը: Վերջինիս վրա պատկերված են ինքը՝ Ջեքսոնն այդ ձեռնոցով ու այնպիսի հայտնի մարդիկ, ինչպիսին են Ալբերտ Էնշտեյնը, Մոնա Լիզան, Ջորջ Վաշինգտոնը:

Բացի ձեռնոցից աճուրդի են հանվելու Ջեքսոնի կրած սաղավարտը, սև գլխարկը և այլ պարագաներ:

Հիշեցնենք, որ նախորդ ամիս ռեկորդային 1,8 մլն դոլարով վաճառվել էր Ջեքսոնի բաճկոնը, որով նա նկարահանվել էր «Թրիլեր» տեսահոլովակում: