Շակիրան ԱՄՆ նախագահի խորհրդական է դարձել

ԱՄՆ նախագահ Բ. Օբաման կոլումբիացի երգչուհի Շակիրային ընդգրկել է իր (ԱՄՆ իսպանալեզու բնակչության կրթության բարելավման հարցերով) խորհրդականների խմբի կազմում: Այս մասին հաղորդում է РИА Новости-ն։

34 ամյա Շակիրա Իզաբել Մեբարակ Ռիպոլլը հայտնի է ոչ միայն իր երաժշտական հաջողություններով (երգչուհին տասնյակ մրցանակներ է ստացել, որոնց շարքում «Գրեմմի»-ի երկակի դափնեկիր է), այլև՝ իր բարեգործական և մարդասիրական գործունեությամբ:

1997 թվականին երգչուհին հիմնել է Fundacion Pies Descalzos («Բոկոտն հիմնադրամ») կազմակերպությունը, որի նպատակը Լատինական Ամերիկայի և հատկապես Կոլումբիայի չքավոր ընտանիքների համար դպրոցներին միջոցներով ապահովելն է:

Շակիրան նաև ՅՈՒՆԻՍԵՖ - ի «բարի կամքի դեսպան» է: