Եղանակն՝ այսօր
Փելեշյանի լռությունը. իտալական ֆիլմ հայ վարպետի մասին
Իտալացի կինոռեժիսոր Պիետրո Մարչելլոյի «Փելեշյանի լռությունը» ֆիլմը շարունակում է իր հաղթարշավը միջազգային կինոփառատոներում, տեղեկացնում է Kinote ամսագիրը:
Վենետիկի միջազգային կինոփառատոնում ցուցադրվելուց հետո, օրերս ավարտվել են նաև ֆիլմի ցուցադրությունները Ռոտերդամի կինոփառատոնում:
Ֆիլմը պատմում է աշխարհահռչակ հայ կինոռեժիսոր Արտավազդ Փելեշյանի մասին: Այն արտադրված է իտալական Rai հեռուստաընկերության հատուկ պատվերով:
Ինչպես նշել է ռեժիսորը` թե Վենետիկում, թե Ռոտերդամում հանդիսատեսը մեծ ոգևորությամբ է ընդունել ֆիլմը:
Հատկանշական է, որ Մարչելլոն, իր հարցազրույցի ժամանակ նշել է, որ սիրված ռեժիսորի մասին քչերը գիտեն:
«Շատերը ճանաչում են նրան, սակայն գիտեն, թե մահացել է, իսկ մի ստվար զանգված էլ, պարզապես չի հիշում նրան, դա շատ ցավալի է», - հավելել է ռեժիսորը:
Առաջիկայում սպասվում է ֆիլմի հեռուստատեսային ցուցադրությունը համաշխարհային առաջատար հեռուստաընկերություններով:
Studio One