Եղանակն՝ այսօր
Կարեն Շահնազարովի ֆիլմը ներկայացվել է «Օսկար»-ի
14:32 • 21.09.12
Կինոռեժիսոր Կարեն Շահնազարովի «Սպիտակ վագր» ֆիլմը Ռուսաստանի Դաշնության կողմից ներկայացվել է հեղինակավոր «Օսկար»-ի՝ «լավագույն օտարալեզու ֆիլմ» անվանակարգում, հայտնում է BBC-ի ռուսական ծառայությունը:
Նման որոշում կայացվել է հինգշաբթի, «Օսկար» մրցանակաբաշխության համար ռուսական ֆիլմեր ընտրող հանձնաժողովի կողմից:
«Իհարկե, սա խաղ է կինոմիության կանոններով, սակայն անհավանական հաճելի խաղ է, և ես հպարտ եմ, որ ինձ պատիվ է ընձեռվել ներկայացնել Ռուսաստանի Դաշնությունն «Օսկար» մրցանակաբաշխության ժամանակ»,- «Ինտերֆաքս» գործակալությանն ասել է ռեժիսորը:
Ֆիլմի սցենարի հիմքում ընկած է գրող Իլյա Բոյաշովի «Տանկիստ» կամ «Սպիտակ վագր» վիպակը:
«Օսկար»-ի հավակնորդների ամբողջական ցուցակը կհրապարակվի 2013թ. հունվարին:
Placeholder
Studio One