Ուղիղ 50 տարի առաջ սկսվեց «Բիթլզ» խմբի կարիերան՝ Love Me Do երգի թողարկմամբ (տեսանյութ)

17:36 • 05.10.12

Ուղիղ կես դար է անցել բրիտանական «Բիթլզ» խմբի առաջին՝ Love Me Do երգի թողարկումից, որով դրվեց լեգենդար խմբի ստեղծագործական գործունեության սկիզբը, հայտնում է «ԻՏԱՌ ՏԱՍՍ»-ը։

Տարեդարձին նվիրված՝ Մեծ Բրիտանիայում վավերագրական ֆիլմ է նկարահանվել, որում պատմվում է, թե ինչպես է խմբի մենեջեր Բրայան Էփսթայնը գնել երգի ձայնապնակների հազարավոր օրինակներ, որպեսզի գերազանցի վաճառքի ցուցանիշերը և տեղ ապահովի հիթային տասնյակում։

Լայնամասշտաբ տոնակատարություններ են նախատեսված երաժիշտների հայրենիք Լիվերպուլում։ Միջոցառումների հիմնական հրապարակն այսօր կդառնա լիվերպուլյան Ալբերտ-դոքը։ Խմբի հազարավոր երկրպագուներ կհավաքվեն այստեղ Գինեսի ռեկորդների գրքում ընդգրկվելու համար՝ երգի ամենամեծաթիվ խմբակային կատարման համար։