Վայրի բնության այս տարվա լավագույն լուսանկարները (լուսանկարներ)

Ամփոփվել են Veolia Environnment Wildlife Photographer of the Year մրցույթի արդյունքները, որի շրջանակներում աշխարհի հազարավոր լուսանկարիչներ մոլորակի տարբեր ծայրերում արած իրենց լուսանկարներով պայքարել են վայրի բնության լավագույն լուսանկարչի կոչման համար:

Անիմալիստ-լուսանկարիչները ներկայացված կենդանիներին և թռչուններին «որսացել» են հենց նրանց բնակության վայրերում՝ Անտարկտիդայից մինչև Բեդֆորշիր:

Հաղթողներն անվանվել են մի քանի անվանակարգերում՝ «Կենդանու դիմանկար», «Բնակեցության միջավայր», «Թռչուններ», «Սառնարյուն կենդանիներ», «Բուսական աշխարհ», «Սև-սպիտակ», «Ստորջրյա աշխարհներ», «Վայրի բնությունը քաղաքում», «Բնապատկերներ»: Լուսանկարիչները ներկայացված են նաև ըստ տարիքային խմբերի՝ 10 տարեկանից սկսած:

Այս ֆոտոշարքում ներկայացված են նշված անվանակարգերի հաղթողները և մյուս մրցանակային տեղերը զբաղեցրած աշխատանքները:

Այս մրցույթն ամենամյա է, անցկացվում է 1984-ից ի վեր, Մեծ Բրիտանիայի Բնագիտության թանգարանի և BBC Wildlife-ի կողմից: Ամեն տարի այս մրցույթին է ուղարկվում մոտ 20 000 լուսանկար: