Խմելու ընթացքում ծխելն ուժգնացնում է խումհարը

Ալկոհոլ խմելիս շատ ծխելու սովորություն ունեցող մարդկանց հաջորդ օրն առավոտյան ավելի ուժեղ խումհար է սպասում, պարզել են ամերիկացի գիտնականները, որոնք իրենց ուսումնասիրությունը տպագրելու են Journal of Studies on Alcohol and Drugs-ում: Այս մասին հայտնում է РИА Новости-ն:

Պրովիդենսի Բրաունի համալսարանի գիտնականները նշել են, որ ալկոհոլ օգտագործողների ¼-րդը խուսափում է հաջորդ օրը վրա հասնող խումհարից: Թե նման «խումհարակայունությունն» ինչով է պայմանավորված, հետազոտողները դժվարացել են պարզաբանել:

Սակայն նրանք պարզել են, որ ծխելը կարող է ուժգնացնել խումհարի ախտանիշերը՝ գլխացավը, սրտխառնոցը և «կոտրվածության» զգացողությունը: