Գարեջուրը կարող է զերծ պահել «ձմեռային ֆսֆսոցից». hետազոտություն

Գարեջուրը հակավիրուսային բնույթ ունի, հայտնում է Huffington Post-ը՝ ներկայացնելով Sapporo Breweries ճապոնական գարեջրի ընկերության հետազոտության արդյունքները:

Ըստ այդմ՝ աշխարհի ամենատարածված ալկոհոլային խմիչքի «հիմնական բաղադրիչը» կարող է լավ օգնել «ձմեռային ֆսֆսոցից» զերծ մնալու հարցում:

Խոսքը հումոլոնի մասին է՝ գայլուկի մեջ առկա մի քիմիական միացության, որը արդյունավետ միջոց է շնչառական-սինցիտիալ վիրուսի դեմ: Հումոլոնը նաև հակաբորբոքային ազդեցություն ունի:

Նշված վիրուսը կարող է թոքաբորբի ու շնչառական լուրջ խնդիրների պատճառ դառնալ, սակայն ավելի շատ երեխաների ու մանուկների շրջանում:

Մեծահասակների շրջանում նույն վիրուսը դրսևորվում է մրսածության ախտանիշներով, հատկապես ձմեռային ամիսներին:

Նոյեմբերին Heineken ընկերությունն էր հայտարարել, որ գարեջուրը «առողջարար» է: