Հին հեռախոսը, «կասետը», գրամեքենան և այլ իրեր՝ Վտանգված ձայների վիրտուալ թանգարանում

«Պատկերացրեք մի աշխարհ, որտեղ էլ երբեք չեք լսի Windows 95 սիմֆոնիկ ստարտափը», - ասել է «գիրք կրծողի» կերպարանքով ամերիկացի ուսանող Բրենդան Չիլկաթը Al Jazeera-ին՝ պատմելով մի բացառիկ նախագծի մասին:

Նա Վիրջինիայի Համագործակցության համալսարանի իր մի քանի ընկերների հետ հիմնել է մի վայր՝ վիրտուալ թանգարան, որտեղ պահ են տրված նման ձայները: Նրանք նախագիծը սկսել են որպես իրենց զվարճալիք՝ արտաժամային ծրագիր:

Սակայն «Վտանգված ձայների առցանց թանգարանում» ոչ միայն Windows 95 է, այլև 1983-ի JVC-ի HR-7100 տեսամագնիտոֆոնը և այլ նմուշներ մի շրջանից, որը նրանք անվանում են «Ռեյգանի ու Քլինթոնի դարաշրջանի էլեկտրատեխնիկա»:

Աշխարհի վտանգված ձայները կարելի է լսել ու վերհիշել՝ նշված հղման համապատասխան լուսանկարներին սեղմելով: