Եղանակն՝ այսօր
Դսեղից արևի ժամացույցը Երևան բերելը կխոչընդոտի մարզային տուրիզմի զարգացմանը. ակտիվիստներ
Լոռու մարզի Դսեղ գյուղի Սուրբ Գրիգոր բարձրախաչ եկեղեցու արևի ժամացույցը նույնպես Հայաստանի պատմության թանգարանի նախաձեռնած պատմամշակութային հուշարձանները Երևան բերվելու ծրագրում է ընդգրկվել: Դրա շուրջ այսօր կայացած ասուլիսի ժամանակ իրենց բողոքն արտահայտեցին «Բնատաճար» հասարակական նախաձեռնության ղեկավար Ապրես Զոհրաբյանը և Պատմական հուշարձանների պահպանություն նախաձեռնության ակտիվիստ Ռուբեն Բաղդիշյանը՝ հիմնավորելով, որ դա կխոչընդոտի մարզային տուրիզմի զարգացմանը:
Ի պատասխան ակտիվիստների դժգոհության՝ հանդիպմանը ներկա Պատմության և մշակույթի հուշարձանների պահպանության գործակալության պետ Արմեն Աբրոյանն ասաց, որ եթե ժամացույցը թանգարանում լիներ, կլիներ փրկված, քանի որ այն շարունակվում է քայքայվել:
Ակտիվիստների այն հարցին, թե ինչո՞ւ մինչ այժմ դեռ հուշարձանը Երևան չեն բերել, Արմեն Աբրոյանը պատասխանեց. «Տեխնիկապես հնարավորություն չկար բերելու»:
Նշենք, որ հուշարձանը գտնվում է 600 մետր բարձրություն ունեցող ձորում: Մի շարք տուրիստներ գնում են Դսեղ, որպեսզի իջնեն այդ ձորը և տեսնեն խաչքարերը, արևի ժամացույցը և մակետը (այն արդեն բերվել է Երևան):
Studio One