Սկսվել է չինական «Նոյյան տապանի» փորձարկումը

Չինաստանում սկսվել է մի կոնստրուկցիայի փորձարկում, որն անվանվել է «Նոյյան տապան», հայտնում է Reuters-ը:

Չինական «Նոյյան տապանը» գնդաձև է, որի հեղինակը գյուտարար Լիու Քիյուանն է: Գունդն ունի 17 խմ ծավալ:

Փորձարկումը կատարվել է այսօր, Հեբեյ նահանգի գետերից մեկի ջրերում: Գյուտարարը 1,8 մլն յուան՝ 288 000 ԱՄՆ դոլար գումար է ծախսել իր ստեղծագործության համար:

Իրականում նա 8 «Նոյյան տապան» է պատրաստել, իսկ այդ հարցում գյուտարարին օգնել են կահույքի գործարանի աշխատակիցները:

Դրանք, գիտնականի մտահղացմամբ, փրկարար մակույկներ են ծառայելու երկրաշարժերի, ցունամիների ու ջրհեղեղների ժամանակ: