Հատուկ մեքենա վարելու համար կանացի կոշիկ է ստեղծվել

Իսպանացի գործարար Ռաֆա Գիլյեմը ստեղծել է կանացի կոշիկ, որը բացառապես նախատեսված է մեքենա վարելու համար, հայտնում է Euromag-ը։

Իր գյուտը հեղինակն անվանել է Nubhes։ Հատուկ մարզակոշիկների ստեղծման գաղափարը գործարարի մոտ առաջացել է այն ժամանակ, երբ տղամարդը հասկացել է, որ կանացի գրեթե բոլոր կոշիկները հարմար չեն ղեկին նստելու համար։ 

Nubhes մարզակոշիկները շատ թեթև են և չունեն կապիչներ։ Ոտնաթաթի և կրունկի հատվածում ամրացված են կպչուն ներդիրներ, որոնցով զգալի հեշտանում է ոտնակները կառավարելը։

Բացի այդ, Nubhes ոտքն առավելագույնս զերծ է պահում ֆիզիկական ծանրաբեռնվածությունից։

Այն կանայք, ովքեր փորձել են մեքենա վարել Nubhes կոշիկներով, պատմել են, որ իրենց մոտ այնպիսի տպավորություն է ստեղծվել, թե մեքենա են վարում տնային հարմարավետ հողաթափերով։