ԱՄՆ-ի Կոնգրեսի գրադարանը կպահպանի Twitter-ում արված ավելի քան 170 մլրդ գրառում

Twitter սոցիալական կայքի օգտատերերը յուրաքանչյուր օր իրենց միկրոբլոգներում հրապարակում են մինչև 500 հազար հաղորդագրություն։ Կոնգրեսի Գրադարանի աշխատակիցները որոշել են, որ այդ գրառումներն արտացոլում են ժամանակակից հասարակության կյանքը, և հետևաբար, դրանք կարելի է հավասարազոր համարել բացառիկ գրքերի, ամսագրերի և օրենսդրական ակտերի հրատարակություններին, հայտնում է Russia Today-ը:
 

2010թ. ապրիլին Twitter-ը հայտարարել էր, որ յուրաքանաչյուր հրապարակային գրառում, որն արվել է 2006թ. նրա ստեղծումից հետո, կգրանցվի Կոնգրեսի գրադարանում: Ինչպես հայտնում է Վաշինգտոնի գիտահետազոտական կենտրոնը, աշխատակիցները գրեթե ավարտել են ավելի քան 170 մլրդ հաղորդագրությունների հավաքագրումը և արխիվացումը: Արդեն 100 տարի անց այսօրվա գրառումները նույնքան հին կթվան, որքան և Ամերիկայում հրատարակված առաջին գրքերը:

Գրադարանի ներկայացուցիչները հայտարարել են, որ տեղեկության ամբողջ ծավալը կազմել է 133,2 տեռաբայթ:

Գրադարանն արդեն իսկ ստացել է հայցեր ավելի քան 400 հետազոտողներից, ովքեր ցանկանում են տեսնել միլիարդավոր գրառումները: Սակայն դա չի նշանակում, որ այդ բազայից օգտվել կարող է ցանկացած մարդ: Համաձայն Twitter-ի հետ պայմանագրի` հասանելի կլինեն միայն հրապարակային գրառումները, որոնք արվել են ավելի քան վեց ամիս առաջ, և միայն «բարեխիղճ գիտնականներին» համար, ովքեր կապ չունեն կոմերցիոն հետազոտությունների հետ: