ՆԱՍԱ-ն «Մոնա Լիզայի» պատկերը կոդավորել և Լուսին է ուղարկել

Ամերիկյան տիեզերական գործակալության ինժեներները LRO լուսնային զոնդի հետ լազերային ալիքի կապ են փորձարկել՝ ուղարկելով «Ջոկոնդայի» թվային պատկերը, հայտնում է Lenta-ն:

Տիեզերական արբանյակների հետ կապի համար ավանդաբար ռադիոազդանշաններ են օգտագործվում: Իսկ LRO-ն Լուսնի միակն արբանյակն է, որին հետևում են լազերի միջոցով, սակայն միայն հետևելու, ոչ թե կապի համար:

Սակայն այժմ ինժեներները ցույց են տվել, որ լազերային ալիքը կարելի է օգտագործել նաև տեղեկություն, այդ թվում՝ պատկերներ փոխանցելու համար:

«Ջոկոնդայի» դեպքում դա արվել է դիմանկարի մոնոաքրոմ տարբերակի 30 հազար պիքսելի վառությունը կոդավորելով:

Պատկերի լազերային փոխանցման արագությունը մեծ չի եղել՝ 300 բիթ վայրկյանում: Սակայն հետագայում նախատեսվում է այն մեծացնել: