Ծխելու հետևանքով ամերիկուհիների մահացության ցուցանիշն ավելացել է 25 անգամ. հետազոտություն

Այսօր ծխող ամերիկուհիները մահանալու ավելի մեծ հավանականություն ունեն իրենց վնասակար սովորույթի հետևանքով, քան 1960-ականներին. նման պնդում է անում նոր զեկույցը, որը պատրաստել են Օքսֆորդի համալսարանի գիտնականները:

Վաղ տարիքում ծխել սկսելն ու ավելի շատ ծխելը կտրուկ մեծացրել են թոքերի քաղցկեղի ռիսկերը:

Մահացության ցուցանիշով ծխող կանայք գերազանցել են անգամ ծխող տղամարդկանց:

Ուսումնասիրության ժամանակ ԱՄՆ-ում հետազոտվել է ավելի քան 2 մլն կին:

1950-60-ականներին ի հայտ եկավ ծխող կանանց առաջին սերունդը, որոնց քաղցկեղից մահանալու հավանականությունը չծխողների համեմատ ավելի էր 3 անգամ: Իսկ 2000-2010թթ. տվյալներով՝ նույն ցուցանիշն արդեն 25 անգամ է ավելի: Տղամարդիկ այդ ցուցանիշը գրանցել էին 1980-ականներին:

Գիտնականները պարզել են, որ մինչև 30 տարեկանը ծխելը թողնելու դեպքում մարդիկ գրեթե ամբողջովին խուսափում են մահվան վտանգից: