Samsung-ն անցած եռամսյակի ընթացքում ռեկորդային եկամուտ է ունեցել

Հարավկորեական Samsung Electronics կորպորացիան ներկայացրել է անցած եռամսյակի հաշվետվությունը, համաձայն որի՝ այդ ընթացքում Samsung-ն արձանագրել է եկամտի ռեկորդային ցուցանիշ, հայտնում է Лента-ն՝ հղում անելով Agence France-Presse-ին։

2012թ. 4-րդ եռամսյակում Samsung-ի մաքուր եկամուտը կազմել է 7,04 տրլն վոն, ինչը համարժեք է 6,6 մլրդ դոլարին։ Իսկ ընկերության օպերացիոն եկամուտը կազմել է 8,84 տրլն վոն, ինչը 89,7% -ով ավելի է 2011թ. նույն ժամանակահատվածի արդյունքներից։ Հոկտեմբեր-դեկտեմբերին շահույթը կազմել է 31.32 տրլն վոն։

Ընկերությունն իր ռեկորդային արդյունքները բացատրում է գնորդների շրջանում կայուն պահանջարկով, ինչը, մասնավորապես, վերաբերում է Galaxy սմարթֆոններին։

Ընդհանուր առմամբ, 2012թ. ընթացքում Samsung Electronics-ն արձանագրել է 23,8 տրլն վոնի մաքուր եկամուտ, 201,1 տրլն շահույթ, ինչպես նաև 29,05 տրլն վոնի օպերացիոն եկամուտ։