Նյուտոնի գիտական աշխատության բացառիկ նմուշը վաճառվել է 2,5 մլն դոլարով

Իսահակ Նյուտոնի գիտական աշխատության բացառիկ նմուշն ԱՄՆ-ում վաճառվել է 2,5 մլն դոլարով, հայտնում է ԻՏԱՌ ՏԱՍՍ-ը: Գիրքն ի սկզբանե գնահատել էին 400.000 - 600.000:

Խոսքը «Բնափիլիսոփայության մաթեմատիկական սկզբունքները» երկի մասին է, որը վաճառվել է Christie's աճուրդում:

Այս աշխատանքը հրատարակվել է 1687-ին հատուկ Անգլիայի թագավոր Հակոբ Երկրորդ Ստյուարտի համար, դրանում սահմանված են այն սկզբունքներից շատերը, որոնք հիմնարար են եղել ֆիզիկայի դասակարգման համար, այդ թվում` ձգողության օրենքը:

Գրքի 24,2 x 8,8 սմ չափերի շապիկը զարդարված է թագավորական խորհրդանիշներով, ոսկետառ է: