ABBA խմբի անդամները 300-ական դոլար են հավաքում իրենց երկրպագուներից

Թեև շվեդական աշխարհահռչակ ABBA  քառյակի անդամներն աշխարհի հարուստ երաժիշտներից են, այդ հանգամանքը չի խանգարել նրանց դիմել իրենց երկրպագուներին՝ խնդրելով գումար հավաքել խմբի պաշտոնական լուսանկարչական գրքի հրատարակման համար։

Ինչպես հայտնում է Daily Mail-ը, ABBA -ն երկրպագուներից յուրաքանչյուրին խնդրել է 300 դոլար նվիրաբերել, ինչի դիմաց նրանք կստանան ABBA  - The Official Photo Book-ի 5 հազար օրինակից մեկը՝ մինչ դրա պաշտոնական թողարկումը։

460 էջանոց գիրքը հրատարակվելու է եկող տարվա ապրիլին՝ 1974թ. «Եվրատեսիլ» երգի մրցույթում խմբի ունեցած հաջողության 40-ամյակի կապակցությամբ։

Գրքում կներառվեն նախկինում չցուցադրված 100 լուսանկարներ, իսկ վերջին 20 էջին կնշվեն բոլոր այն երկրպագուների անունները, ովքեր աջակցել են գրքի հրատարակման գործընթացին։