Մերիլին Մոնրոն՝ «Ոսկե գլոբուս»-ի ժամանակ. 1952թ. արված լուսանկարները հասանելի են դարձել համացանցում (լուսանկարներ)

25-ամյա Մերիլին Մոնրոն թույլ է տալիս տղամարդ երկրպագուներից մեկին համբուրել իր այտը նրա առաջին մեծ կինոմրցանակաբաշխության արարողության ժամանակ, գրում է The Daily Mail-ը՝ նկատի ունենալով Կալիֆոռնիայի Սանտա Մոնիկա քաղաքի Club Del Mar-ում 1952 թվականին անցկացված «Ոսկե գլոբուս» մրցանակաբաշխությունը:

Արարողության ժամանակ լուսանկարներն արել է Time ամսագրի լուսանկարիչ Լումիս Դինը։ Դրանք վերջերս հասանելի են դարձել համացանցում:

Տասնամյակներ շարունակ չհրապարակված լուսանկարները ցույց են տալիս, թե ինչպես է Մոնրոն բոլորի ուշադրության կենտրոնում հայտնվում՝ որտեղ էլ գնալիս լիներ:

Այլ նկարներում նա երևում է նաև այլ տղամարդկանց ընկերակցությամբ:

Այդ տարի նա արժանացել է «Տոմսարկղերի լավագույն երիտասարդ անհատականություն» տիտղոսին՝ հարթելով իր հոլիվուդյան կարիերայի ուղին:

Երեկույթի համար Մոնրոն ընտրել է մեծ լանջաբացվածքով մուգ կարմիր թավշե զգեստ:

Լումիս Դինի լուսանկարները հանրությանը չէին ցուցադրվել մինչ 2009 թվականին LIFE-ի «Հիշելով Մերիլինին» հատորում տպագրվելը: Այժմ դրանք հասանելի են նաև համացանցում։