Բաշկիրիայից սենատորը Հայաստանի պատմության մասին գիրք է գրել

Ռուսաստանի Դաշնային խորհրդի անդամ, Բաշկիրիայից Ռաֆաիլ Զինուրովը ներկայացրել է Հայաստանի մասին իր գիրքը, տեղեկացնում է Комсомольская правда-ն։

Եռահատոր «Հայաստան՝ հազարամյակների ճանապարհը» աշխատությունը պատմում է հայ ժողովրդի պատմության մասին՝ հնագույն ժամանակներից սկսած։

Հեղինակը գրքի վրա աշխատել է 6 տարի։ Նա անգամ հայերեն է սովորել։

Զինուրովը գիրք էր գրել նաև Բաշկիրիայի մասին, որը լույս էր տեսել մի քանի տարի առաջ՝ Ուֆայում։

Նրա աշխատանքը բարձր են գնահատել ոչ միայն Հայաստանում, այլև՝ Ֆրանսիայում։ Նախատեսվում է գիրքը թարգմանել ֆրանսերեն։