ABBA խմբի նախկին երաժիշտը գիրք է հրատարակել երեխաների համար

ABBA խմբի նախկին անդամ Բյորն Ուլվեուսը իր դեբյուտն է նշել մանկական գրականության ասպարեզում:

Ինչպես հաղորդում է Euromag-ը՝ լեգենդար քառյակի նախկին անդամի առաջին գիրքն այս ժանրում կոչվում է «Փոքրիկ սպիտակ դաշնամուրը»:

Sveriges Radiо-ի փոխանցմամբ՝ նոր ստեղծագործությունը պատմություն է երաժշտական գործիքի մասին, որի օգնությամբ ծնվել են քառյակի բազմաթիվ հիթերը:

Գիրքը հրատարակվել է շվեդերեն, անգլերեն, ֆիններեն, գերմաներեն և ռուսերեն լեզուներով և վաճառվում է միայն ABBA խմբի Ստոկհոլմի թանգարանում: