Մեկնարկել է «Բեռլինալե» միջազգային կինոփառատոնը (լուսանկարներ)

Բեռլինում մեկնարկել է «Բեռլինալե» միջազգային կինոփառատոնը: Արդեն 64-րդ անգամ անցկացվող փառատոնը հինգշաբթի՝ փետրվարի 6-ին, բացվել է ամերիկացի ռեժիսոր Ուես Անդերսոնի «Գրանդ Բուդապեշտ հյուրանոց» ֆիլմով, գրում է korrespondent.net-ը:

Այս տարի Բեռլինի կինոփառատոնի գլխավոր մրցանակին՝ «Ոսկե արջ»-ին, հավակնում է 20 ֆիլմ:

Փառատոնի ամենասպասված ֆիլմերից մեկն ամերիկացի ռեժիսոր Ռիչարդ Լինկլեյտերի «Պատանեկություն» (Boyhood) ֆիլմն է՝ Պատրիցիա Արկետի և Իթան Հոուկի հետ գլխավոր դերերում: Այն արդեն ցուցադրվել է Սանդենսի փառատոնում և արժանացել մամուլի բազմաթիվ հիացական արձագանքների:

Մրցանակաբաշխությունը կկայանա 2014 թվականի փետրվարի 15-ին: Ընդհանուր առմամբ, կինոփառատոնի տարբեր ծրագրերի շրջանակներում կցուցադրվի 400-ից ավելի ֆիլմ: