Ֆլորենցիայում ֆեմինիստական արվեստի ցուցադրություն է բացվել

Ֆլորենցիայում ֆեմինիստական արվեստի ցուցահանդես է բացվել, որի ընթացքում հնարավոր է տեսնել այնպիսի նկարիչների գործեր, որոնք 1960-1970-ականներին բարձրացնում էին ֆեմինիզմի և կանացիության հարցերը:

Ինչպես հայտնում է Euromag-ը՝ նրանց թվում են ամերիկուհի Լի Լոզանոն, լեհուհի Ալինա Շապոշնիկովան, Էվելին Աքսելը՝ Բելգիայից: Նրանց գործերը, որոնք ներկայացվում են ֆրանսիացի միլիարդատեր և կոլեկցիոներ Ֆրանսուա Պինոյի հավաքածուից, կցուցադրվեն Femminismo radicale նախագծի շրջանակներում:

Ցուցադրությունը կանցկացվի Գուչիի թանգարանում և բաց կլինի մինչև սեպտեմբերի 7-ը: