Եղանակն՝ այսօր
Յուրի Բաշմետը զրկվել է պատվավոր պրոֆեսորի կոչումից՝ Ուկրաինայի հարցում իր դիրքորոշման համար
Հայտնի երաժիշտ Յուրի Բաշմետին զրկել են Լվովի Լիսենկոյի անվան ազգային երաժշտական ակադեմիայի պատվավոր պրոֆեսորի կոչումից, հայտնում է ԻՏԱՌ ՏԱՍՍ-ը:
Իրենց նախկին հայրենակցի առնչությամբ նման որոշում է կայացրել հաստատության գիտխորհուրդը։ Դա տեղի է ունեցել այն բանից հետո, երբ Բաշմետը ստորագրել է Ռուսաստանի մշակույթի գործիչների նամակը, որում պաշտպանվում է Ռուսաստանի պաշտոնական դիրքորոշումն Ուկրաինայի և Ղրիմի հարցում:
Բաշմետի դեմ որոշումն ակադեմիայում պաշտպանել են գրեթե միաձայն: Նա պատվավոր պրոֆեսորի կոչման է արժանացել երկու տարի առաջ:
Ալտահար, դիրիժոր և մանկավարժ, ԽՍՀՄ-ի ժողովրդական արտիստ Բաշմետը Լվովում էր ապրել մինչև 17 տարեկան, այնտեղ են թաղված նրա ծնողները:
Ավելի վաղ նույն առնչությամբ Կիևի ազգային օպերայում հետաձգվել էր Ռուսաստանի ժողովրդական արտիստ Դենիս Մացուևի համերգը:
Studio One