Դուբայի մետրոն կվերածվի արվեստի թանգարանի (լուսանկարներ)

Դուբայում այսօր մեկնարկում է Art Dubai ժամանակակից արվեստի 8-րդ տոնավաճառը, որն այս տարի կհավաքի 85 պատկերասրահներ աշխարհի 34 երկրներից, գրում է buro247.ru-ն։

Տոնավաճառի բացման նախօրեին ԶԼՄ-ները հայտնել են հաջորդ տարվա պլանների մասին. 2015թ. Art Dubai ցուցահանդեսից առաջ Դուբայի մետրոյի կայարաններում կբացվեն գեղարվեստական ցուցահանդեսներ, որտեղ հնարավոր կլինի տեսնել տարբեր մշակույթների և երկրների արվեստի գործեր։

Արդեն հայտնի է, որ 2015թ. Դուբայում կհայտնվեն թեմատիկ թանգարաններ՝ նվիրված իսլամական արվեստին, արաբական գեղագրությանը, հայտնագործություններին, ինչպես նաև ժամանակակից և տեսողական արվեստին։