Երգում են թռչունները. Թայլանդում մեկնարկում է թռչունների երգի ամենամյա մրցույթը (լուսանկարներ)

Թայլանդի փողոցներում բազմաթիվ վանդակներ են տեղադրվել, քանի որ մարդիկ պատրաստվում են թռչունների երգի փառատոնին:

Ինչպես ներկայացնում է Daily Mail-ը՝ մասնակիցներն իրենց երգող թռչունների հետ միասին պայքարելու են բարձր պարգևների համար: Թռչունները պահվում են բամբուկով զարդարված վանդակներում, որոնք ծածկված են գունագեղ նախշազարդ կտորներով: Մրցույթի սկսելուն պես վանդակները վեր են բարձրացվում և կախվում մետաղական սյուներից:

Երկրի հարավային Նարաթիվաթ նահանգում անցկացվող ամեմանյա մրցույթին մասնակցում են հարյուրավոր թռչնապահներ՝ Թայլանդից, Մալայզիայից և Սինգապուրից: Մրցավարները թռչունների երգը գնահատում են՝ հաշվի առնելով մեղեդին ու ձայնի բարձրությունը, իսկ պարգևավճարը կարող է հասնել 18 000 ֆունտ ստերլինգի: