Հռոմի պապն օրհնել է «Նոյ» ֆիլմը (լուսանկարներ)

Հռոմի պապ Ֆրանցիսկոսը մարտի 24-ին օրհնել է ռեժիսոր Դարեն Արոնոֆսկու «Նոյ» ֆիլմը գլխավոր դերակատար Ռասել Քրոուի հետ հանդիպման ընթացքում, հայտնում է lenta.ru-ն։

Դերասանի խոսքով՝ Ֆրանցիսկոսն իր հետ կարճատև հանդիպման ընթացքում հավանություն է տվել ֆիլմին։ Քրոուն նշել է, որ հաշվի առնելով ֆիլմի շուրջ առաջացած բազմաթիվ վեճերը՝ Վատիկանի հրավերը մեծ պատիվ է եղել։

Դերասանին հաջողվել է հանդիպել Հռոմի պապի հետ միայն երրորդ փորձից հետո։ Նախկին 2 հանդիպումները, որոնք նշանակված էին նախորդ շաբաթ, չեղարկվել էին Վատիկանի նախաձեռնությամբ։ Հանդիպման մասին դերասանը խնդրել է Twitter-ի միջոցով, որտեղ առաջարկել է Հռոմի պապին դիտել ֆիլմը և կիսվել սեփական կարծիքով։