Տոկիոն պատրաստվում է վարդերի փառատոնին

Մայիսի 10-ից հունիսի 8-ը Տոկիոյի հյուսիսում տեղակայված Kyu-Furukawa Teien զբոսայգում տեղի կունենա վարդերի փառատոնը: Այս մասին հաղորդում է Росбалт.ru-ն՝ հղում կատարելով Travel-ին:

Այցելուները կկարողանան հիանալ գեղեցիկ 90 տեսակի ծաղիկներով և կզբոսնեն XIX դարում մեծահարուստ Իչիբեյ Ֆուրուկաևին պատկանող կալվածքում:

Հենց Ֆուրուկաևն է հիմնադրել «Fuji» ընկերությունը, իսկ կալվածքը նախագծել է անգլիացի հայտնի ճարտարապետ Ջոզայ Կոնդերը:

Մայիսի 16-ից 25-ը երեկոյան ժամերին կալվածքը հատուկ լուսավորություն կունենա, իսկ զբոսայգում երաժշտական և թատերական ներկայացումներ տեղի կունենան:

Kyu-Furukawa Teien-ի տարածքում տեղակայված են արևմտյան և ավանդական ճապոնական ոճերի երկու այգիները, որտեղ պատկերների և երկրաչափական կոմպոզիցիաների տեսքով ձևավորված հազարավոր վարդեր են ծաղկում:

Փառատոնի մուտքի տոմսը 150 ճապոնական իեն կարժենա: