Մայլի Սայրուսը հիվանդանոց է տեղափոխվել

Ամերիկացի սկանդալային երգչուհի Մայլի Սայրուսը հիվանդանոց է տեղափոխվել, հայտնում է Reuters-ը: Դրա հետևանքով հետաձգվել է երգչուհու՝ Կանզասում այսօր կայանալիք համերգը:

Ըստ աղբյուրի՝ Սայրուսը հիվանդանոցում է հայտնվել հակաբիոտիկների հետևանքով ուժեղ ալերգիկ ռեակցիայի բերումով: 

21-ամյա երգչուհու համար բժիշկները բուժհանգիստ են սահմանել Կանզասի Sprint Center-ում: Մայլին Twitter-ում տարածել է իր լուսանկարը հիվանդանոցից և ներողություն խնդրել երկրպագուներից: 

Այս ամիս նա արդեն հետաձգել էր իր մեկ այլ համերգ՝ գրիպի պատճառով:

Մինչ հունիս նախատեսված է Սայրուսի 60 շոու Հյուսիսային Ամերիկայում և Եվրոպայում: