Մերիլ Սթրիփը թատերական «Մոնտե Քրիստո» մրցանակ է ստացել (լուսանկարներ)

13:39 • 22.04.14

Հայտնի դերասանուհի Մերիլ Սթրիփը ստացել է բոլոր հնարավոր մրցանակները կինեմատոգրաֆում և այժմ, հավանաբար, եկել է թատրոնի ժամանակը։ Նախօրեին Նյու Յորքի Յուջին Օ՛Նիլի անվան թատերական կենտրոնում անցկացվել է Մերիլ Սթրիփի մեծարման երեկո, հայտնում է buro247.ru-ն։

«Օսկար» մրցանակի եռակի դափնեկիրն այս անգամ ստացել է «Մոնտե Քրիստո» մրցանակ։ Ինչպես նշել են կազմակերպիչները, Սթրիփն անգնահատելի ներդրում է ունեցել ամերիկյան թատրոնի զարգացման գործում։ Անձամբ դերասանուհին, ստանալով մրցանակը, նշել է, որ իր համար մեծ պատիվ է ստանալ այդ մրցանակը մի կազմակերպությունից, որը բացահայտում և աջակցում է նոր տաղանդներին։

Մերիլ Սթրիփին աջակցելու էին եկել դերասաններ Քեթրին Զետա Ջոնսը, Մայքլ Դուգլասը և այլ հայտնի դեմքեր։