Ճապոնացիները Չեբուրաշկայի մասին մուլտֆիլմ կթողարկեն (լուսանկարներ, տեսանյութ)

Հունիսի 5-ին ռուսական էկրաններին կհայտնվի ճապոնացի ռեժիսոր Մակոտո Նակամուրայի Չեբուրաշկայի մասին եռապատումը՝ «Չեբուրաշկան և կրկեսը», «Չեբուրաշկան գնում է կենդանաբանական այգի» և «Շապոկլյակի խորհուրդները», հայտնում է etoday.ru-ն։

Նախաբանը կլինի նարինջների արկղում Չեբուրաշկային հայտնաբերելու պատմությունը, նրա ծանոթությունը կոկորդիլոս Գենայի հետ և ընկերներ ձեռք բերելը։ Նոր շարքի հիմքում 1969թ. «Կոկորդիլոս Գենան» հայտնի մուլտֆիլմն է։

«Չեբուրաշկան և կրկեսը» պատմություն է ընկերության և երազանքի մասին։ Գենան և Չեբուրաշկան օգնում են Մաշա անունով աղջկան քայլել ճոպանի վրայով և իրականացնում են նրա երազանքը՝ ելույթ ունենալ կրկեսում։

«Չեբուրաշկան գնում է կենդանաբանական այգի» ֆիլմում Գենան հիվանդ է, և Չեբուրաշկան նրա փոխարեն գնում է կենդանաբանական այգի՝ «կոկորդիլոս աշխատելու»։ Եզրափակիչ մասում հերոսներն օգնության են հասնում աճպարարին, ով կորցրել է իր թոռնուհուն։

Իսկ Շապոկլյակը բացում է վճարովի անպիտան խորհուրդների բյուրո։