«Հնդկական Օսկարի» է արժանացել «Վազի՛ր, Միլխա՛, վազի՛ր» օլիմպիական մարզիկի մասին կենսագրական ֆիլմը (լուսանկարներ, տեսանյութ)

«Հնդկական Օսկարի»՝ Հնդկաստանի կինոակադեմիայի մրցանակների հանձնման հանդիսավոր արարողությունը պատմության մեջ առաջին անգամ անցկացվել է ԱՄՆ-ում, հայտնում է Газета-ն՝ հղում անելով BBC-ին։

Մրցանակաբաշխության բացարձակ առաջատար է ճանաչվել օլիմպիական մարզիկ Միլխա Սինգհի մասին կեսագրական ֆիլմը՝ «Վազի՛ր, Միլխա՛, վազի՛ր»։ Ֆիլմը մրցանակների է արժանացել հետևյալ անվանակարգերում՝ «Լավագույն ֆիլմ», «Լավագույն սցենար», «Լավագույն ռեժիսոր», «Լավագույն դերասան» և «Երկրորդ պլանի լավագույն դերասանուհի»։

84-ամյա Սինգհն անձամբ ներկա է գտնվել արարողությանը։ Նա մասնակցել է Օլիմպիական խաղերին 3 անգամ՝ անձնական ողբերգությունը հաղթահարելուց հետո. 1947-ին Հնդկաստանի բաժանման ժամանակ նրա աչքի առաջ սպանել են ծնողներին և 7 եղբայրներին ու քույրերին։