Բեյոնսեն ու Ջեյ Զին այս ամառ համատեղ շրջագայության կմեկնեն (լուսանկար)

Երաժշտական «օլիմպի» ամենահայտնի զույգերից մեկը՝ r'n'b երգչուհի Բեյոնսեն ու ռեփեր Ջեյ Զին, հաստատել են, որ այս ամառ մեկնելու են համատեղ շրջագայության։

Ինչպես նշում է Harpers Bazaar-ը, զույգը հավելել է, որ արդեն ակտիվորեն նախապատրաստվում են կայանալիք համերգներին։ Բացի այդ, ներկայացվել է նաև շրջագայության պաշտոնական պաստառը, որն ամուսիններին պատկերում է որպես հանցագործներ։

Հայտնի է, որ նոր շրջագայությունը կոչվելու է «On the Run»: Այն  կմեկնարկի հունիսի 25-ին, Մայամիում և կշարունակվի ևս 13 քաղաքներում՝ Ֆիլադելֆիայում, Սան Ֆրանցիսկոյում, Դալասում, Չիկագոյում և Տորոնտոյում։