Կոնստանտին Մելաձեն ստեղծում է «ՎԻԱ Գրա» խմբի արական տարբերակը

Հայտնի պրոդյուսեր Կոնստանտին Մելաձեն ուկրաինական հեռուստահաղորդման ժամանակ տեղեկացրել է, որ ընթացիկ տարվա աշնանը միլիոնավոր հեռուստադիտողների աչքի առաջ կստեղծվի սիրված «ՎԻԱ Գրա» խմբի արական տարբերակը, այսինքն՝ նոր «բոյս բենդ»։

Ինչպես նշում է aif.ua կայքը, խումբը ստեղծվելու է «Хочу до Меладзе» հեռուստանախագծի շրջանակներում։ Նշվում է, որ պրոդյուսերը ցանկանում է գտնել մեր օրերի հերոսների, ովքեր կուրախացնեն կին երաժշտասերներին։

Շոուն կսկսի քասթինգներից, որոնք անցկացվելու են Ուկրաինայում, Բելառուսում, Ռուսաստանում և Ղազախստանում։ Առաջին քասթինգը տեղի կունենա մայիսի 17-ին։

«Хочу до Меладзе» շոուն հանդիսատեսին կներկայացնի ժամանակակից շոու բիզնեսի բոլոր գաղտնիքները։ Հանդիսատեսը կտեսնի, թե ինչպես է զրոյից ստեղծվում ու թափ առնում «բոյս բենդը»։