Բրեդ Փիթն ու Անջելինա Ջոլին մոտ 10 տարվա դադարից հետո կնկարահանվեն միասին

10:32 • 03.05.14

Հոլիվուդյան հայտնի դերասաններ Բրեդ Փիթն ու Անջելինա Ջոլին տեղեկացրել են, որ զույգի համար ճակատագրական դարձած «Պարոն և տիկին Սմիթները» ֆիլմից հետո (2005թ.) կրկին կնկարահանվեն միասին։

Ինչպես նշում է The Daily Mail-ը, Փիթի ու Ջոլիի մասնակցությամբ նոր նախագիծը նկարահանվելու է Եվրոպայում և շատ կհետաքրքրի հեռուստադիտողին։ Նշվում է, որ սցենարը գրել է 38-ամյա Ջոլին, և չի բացառվում, որ հենց նա ստանձնի ֆիլմի ռեժիսորի դերը։

Աղբյուրը հիշեցնում է, որ Փիթի ու Ջոլիի միջև սիրային հարաբերություններ են սկսվել հենց «Պարոն և տիկին Սմիթները» ֆիլմի նկարահանման հրապարակում։