Չինաստանի «չստացված» պատասխանը Մադամ Տյուսոյի թանգարանին (լուսանկարներ)

18:37 • 03.05.14

Չինաստանի Գուանչժոու նահանգում բացվել է մոմե արձանների թանգարան, որտեղ ներկայացված են հայտնի անձանց մոմե քանդակները։ Սակայն ներկայացված աստղերին ճանաչելու համար այցելուները պետք է մեծ ջանքեր գործադրեն, քանի որ արձանները նման չեն իրենց բնօրինակներին, նշում է The Daily Mail-ը։

Ըստ աղբյուրի՝ այս թանգարանը կարելի է համարել Չինաստանի «չստացված» պատասխանը Մադամ Տյուսոյի աշխարհահռչակ թանգարանին, որը տարեկան հազարավոր զբոսաշրջիկների է գրավում։

Չինական «մասնաճյուղում» կարելի է հանդիպել Լեդի Գագայի, Սթիվ Ջոբսի, Լեոնարդո դի Կապրիոյի, Միստր Բինի, Հարի Փոթերի, Բարաք Օբամայի, Վլադիմիր Պուտինի, Օդրի Հեփբերնի մոմե արձաններին։

Միստր Բին