Էմինեմը դարձել է առաջին ռեփերը, ում թույլ է տրվել ելույթ ունենալ «Ուիմբլդոնում»

Ռեփի «սպիտակ ագռավ» համարվող Էմինեմը դարձել է առաջին ռեփերը, ով Լոնդոնի հանրահայտ «Ուիմբլդոն» մարզադաշտում (90.000 տեղանոց) համերգի թույլտվություն է ստացել, հայտնում է The Gauardian-ը։

Պարբերականը նշում է, որ հուլիսի 11-ին կայանալիք միջոցառումը կլինի սպիտակամորթ ռեփերի առաջին լոնդոնյան համերգն անցած 13 տարում։ Էմինեմն ասել է, որ ի սկզբանե իր համերգը պետք է կայանար Հայդ Պարկում, սակայն քաղաքային իշխանությունները մերժել են այդ առաջարկը։

«Մերժում ստանալուց հետո ես ավելի շատ ցանկացա համերգ ունենալ Լոնդոնում։ Ինձ ինչ-որ բան անել ստիպելու համար ամենահեշտ տարբերակն ինձ ասելն է, որ դա հնարավոր չէ։ Ուրախ եմ, որ կարող եմ փոխարենը ելույթ ունենալ «Ուիմբլդոնում»»,-ասել է ռեփերը։