Անտոնիո Բանդերասը ֆիլմում կմարմնավորի Հռոմի պապին

Իսպանացի հանրահայտ դերասան Անտոնիո Բանդերասը կարող է հանդես գալ ներկայիս Հռոմի պապ Ֆրանցիսկոսի դերում, հայտնում է Huffington Post-ը: Աղբյուրը մանրամասնում է, որ դա առաջին գեղարվեստական ֆիլմը կլինի Ֆրանցիսկոսի մասին:


Նախագծով զբաղվում է իտալացի ռեժիսոր Դանիելե Լուկետին: Նախագիծը 12 մլն դոլար կարժենա, կկոչվի «Կոչե՛ք ինձ Ֆրանցիսկոս»: Հենքում «Ֆրանցիսկոս. ժողովրդական պապ» բեսթսելերն է:  ֆիլմը կնկարահանվի Իտալիայի և Արգենտինայի տարբեր վայրերում:

Ֆիլմը ստեղծողները գլխավոր դերում տեսնում են  իսպանախոս ամենաազդեցիկ դերասաններից մեկը համարվող 53-ամյա Բանդերասին: Դերասանների ընտրության գործընթացը դեռ շարունակվում է, սակայն արդեն սկսվել է ֆիլմի արտադրությունը: Նկարահանումները կսկսվեն ամռանը:

Հետաքրքրական է, որ Հռոմի պապին և Վատիկանին նվիրված ֆիլմերով են զբաղված նաև անվանի ռեժիսորներ Պաոլո Սորենտինոն և Ռիդլի Սքոթը: