Հայտնի դերասանները Կաննի կինոփառատոն են ժամանել զրահապատ մեքենաներով (լուսանկարներ)

«The Expendables 3» ֆիլմի հանրահայտ դերասանները ֆիլմի գովազդային արշավի շրջանակներում Կաննի կինոփառատոն են ժամանել զրահապատ մեքենաներով։ Նրանք «զբոսնել» են լողափին, այնուհետ կանգ առել Carlton հյուրանոցի հարևանությամբ, հայտնում է Корреспондент-ը։

Առաջինը ժամանել են Սիլվեստեր Ստալոնեն, Հարիսոն Ֆորդը, Մել Գիբսոնը և Ջեյսոն Սթեթհեմը ձյուդոյի վարպետ Ռոնդա Ռոուզի հետ։

Հաջորդ զրահապատ մեքենայով ժամանել են Անտոնիո Բանդերասը, Առնոլդ Շվարցենեգերը և այլ դերասաններ։ Ռազմական մեքենաների ընթացքի ժամանակ դերասանները լուսանկարվել են, ողջունել երկրպագուներին և նույնիսկ ինքնալուսանկարներ արել («սելֆի»)։

ԶԼՄ-ների տվյալներով՝ մեքենաները գովազդի համար ուղարկվել էին Մեծ Բրիտանիայից։