Մայքլ Ջեքսոնի հոլոգրամը «ելույթ է ունեցել» Billboard Awards-ին (տեսանյութ)

Հանգուցյալ երգիչ Մայքլ Ջեքսոնի հոլոգրամը «ելույթ է ունեցել» Billboard Awards երաժշտական մրցանակների հանձնման արարողությանը, հայտնում է Associated Press-ը։

Հանրահայտ երգչի հոլոգրամը հայտնվել է Slave to the Rhythm ստեղծագործության հնչեցման ժամանակ, որը Ջեքսոնի հետմահու Xscape ալբոմից է։

Ելույթը շլացրել է Լաս Վեգասի MGM Grand Garden Arena-ի հանդիսատեսին։

Ավելի վաղ ԱՄՆ-ի դաշնային դատարանը թույլատրել էր օգտագործել Մայքլ Ջեքսոնի հոլոգրամը: Ջեքսոնի հոլոգրամի վրա աշխատել էր Ջոն Թեքսթորը, ով ավելի վաղ ստեղծել էր Թուփակ Շակուրի հոլոգրամը: