Սերբիայում ջրհեղեղի հետևանքով վնասը գնահատվել է 174.5 մլն եվրո (լուսանկարներ)
Սերբիայում ջրհեղեղի վնասը գնահատվել է 174.5 մլն եվրո, հայտարարել է երկրի վարչապետ Ալեքսանդր Վուչիչը։
Վարչապետը նշել է, որ Սերբիայում ջրհեղեղի պատճառով տարհանվել է 31.879 մարդ, վնասվել կամ փլուզման վտանգի տակ է գտնվում 1.763 օբյեկտ, հեղեղվել է 2.260 շինություն, փոխանցում է ԻՏԱՌ ՏԱՍՍ-ը։
Ընդհանուր առմամբ, ջրհեղեղներից տուժել է 29 համայնք և ավելի քան 1.6 մլն բնակիչ։
Վուչիչի տվյալներով՝ քանդվել է 30 և վնասվել 50 խոշոր կամուրջ։ Տուժել է մոտ 200 համայնքային նշանակության կամուրջ։ Սողանքների հետևանքով վնասվել է ավելի քան 20 հանրապետական և հարյուրավոր համայնքային նշանակության ճանապարհ։ Ամենից շատ տուժել է 10-րդ տրանսպորտային միջանցքը։ Այստեղ վնասն ավելի քան 10 մլն եվրո է, նշել է վարչապետը։
Առավել շատ վնաս է հասցվել էներգետիկ ոլորտին և գյուղատնտեսությանը։ Վուչիչը նշել է, որ վնասի չափը գնահատելու համար հրավիրվել են ՄԱԿ-ի և ԵՄ-ի փորձագետներ։































